2014

E Koalition vo Staate us dr ganze Wält brobiert dr Iifluss vo dr Organisazion Islamische Staat z verchliinere.

Die Olympische Winterspiil 2014 finde im russische Sotschi statt.

D Euromaidan-Brotest und d Krimkrise nochhär füere zu diplomatische, politische und wirtschaftlige Verwärfige zwüsche Russland uf dr äinte Site und dr Öiropäische Union, de Veräinigte Staate, andere westlige Staate und dr Ukraine uf dr andere Site.

E Maschine vo dr Malaysia Airlines uf em Wääg vom malaysische Kuala Lumpur ins chinesische Peking verschwindet am 8. Merz spurlos und lööst e multinazionali Suechakzion us.

Im Zug vo dr Krise in dr Ukraine git s z Oblasten im Oste und Süde vom Land Demonstrazione und Geböid wärde vo prorussische Separatiste und Aahänger von ere Föderalisierig bsetzt. Es bräche Gfächt us mit Drubbe vo dr Kiewer Zentralregierig.

In Westafrika bräitet sich s Ebolafieber us bis es epidemische Usmääss überchunnt.

Dr Friidesnobelbriis goot an dr indisch Chinderrächtsaktiwist Kailash Satyarthi und an die 17-jöörigi pakistanischi Schüelere Malala Yousafzai, wo die jüngsti Person isch, wo e Nobelbriis überchoo het.