Sorte | bataja ![]() | |||
---|---|---|---|---|
Parte de | bataja de inghiltera ![]() | |||
Data | 13 de agosto del 1940 ![]() | |||
Pozision | Inghiltera (Regno Unio) ![]() | |||
Stato | Rènjo Unìo ![]() | |||
Partesipador | ||||
|
L'Adlertag (traduzesto dal todesco in "Dì de l'Àcuiła"; in ingleze: "Eagle Day")[1][2][3][4][5] el ze sta el primo dì de l''Unternehmen Adlerangriff ("Oparasion Ataco de l'Àcuiła")[6], nome in còdaze dazesto da l'Aviasion todesca a l'oparasion miłitare che ła ghea el fin de desfar ła controparte britànega.
La desfasion de ła Royal Air Force da parte de ła Luftwaffe ła zera necesària col fin che łe unità navałi todesche łe podese traersare el Canałe de ła Mànega sensa opozision aèrea e col fin che ła Home Fleet, che ła garia podesto oponerse a l'invazion dal mare ła fuse privada de protesion dal sieło. Adolf Hitler el ghea ordenà de consevensa al Comandante in Cao de ła Luftwaffe, el Reichsmarschall Hermann Göring, e a l'Oberkommando der Luftwaffe de pareciar l'oparasion.
El fin prinsipałe el zera el desfamento del Fighter Command par el cuało, par tuto lujo e i primi de agosto, i todeschi i ghea fazesto i inbastimenti. La data de l'asalto ła ze sta posponesta vàrie volte par el bruto tenpo e inte-ła-fin ła ze sta decidesta par inte el 13 de agosto del 1940.[7]