Aguascalientes

Aguascalientes
Alministración
País	Méxicu
ISO 3166-2	MX-AGU
Tipu d'entidá	estáu de Méxicu
Capital	Aguascalientes
Gobernador d’Aguascalientes	Carlos Lozano de la Torre
Nome oficial	Aguascalientes (es)
Nome llocal	Aguascalientes (es)
División	ver Aguascalientes, Calvillo, Asientos, Cosío, Jesús María, Pabellón de Arteaga (es) , Rincón de Romos (es) , San José de Gracia, Tepezalá, El Llano y San Francisco de los Romo
Xeografía
Coordenaes	22°03′N 102°18′W / 22.05°N 102.3°O / 22.05; -102.3
Superficie	5617.8 km²
Llenda con	Zacatecas y Jalisco
Altitú media	1926 m
Demografía
Población	1 312 544 hab. (2015)
Densidá	233,64 hab/km²
Más información
Estaya horaria	UTC−06:00
Fundación	1835
aguascalientes.gob.mx

Aguascalientes (oficialmente Estado Libre y Soberano de Aguascalientes) ye ún de los 31 estaos que, xunto cola Ciudá de Méxicu, formen los Estaos Xuníos Mexicanos. Asitiáu alredor del meridianu 22°N y con una altitú media de 1.950 m sobre'l nivel del mar^[1], ye de clima predominantemente semiáridu (climes Bhs y Bhk de la clasificación de Köppen). Allúgase na fastera septentrional de la rexón de Bajío, nel centru-norte del país, y llenda con Zacatecas al norte, este y oeste, y con Jalisco al sur. En 2019 la so población, la mayoría de la cual vivía na so capital y ciudá principal, Aguascalientes, yera de 1,4 millones d'habitantes^[2].

Aguascalientes, que recibe'l so nome por l'abondanza de fontes d'agües termales esistentes nel territoriu, ye ún de los estaos más pequeños de Méxicu: concretamente, el 27ᵘ por población y el 29ᵘ por estensión^[1]. Sicasí, ye'l 4ᵘ con mayor densidá de población del país^[1], y el so desarrollu económicu de los caberos años ficieron d'elli el 7ᵘ con mayor desarrollu humanu^[3] y el 8ᵘ con mayor renta per cápita^[4]. Ye, en fin, ún de los más seguros y prósperos del país^[5].

Históricamente l'estáu tenía sonadía pola so industria testil y del ferrocarril, y tamién pola industria vinícola, qu'entá sigue siendo importante. Anguaño, tien un sector industrial diversificáu, que tira con fuercia de la economía d'un estáu que foi'l que más medró del país na década de 2010^[6], y celébrase nelli la Feria Nacional de San Marcos, la mayor del país y una de les mayores d'América Llatina^[7][8].

1. ↑ ^{1,0 1,1 1,2} INEGI (2016-01-01). «México en Cifras» (castellanu). Consultáu'l 2020-01-06.
2. ↑ Nuño, Eugenio Herrera (2018-12-26). «Aguascalientes: Cierre 2018 y futuribles 2030/ El Apunte» (castellanu). Consultáu'l 2020-01-06.
3. ↑ «Sub-national HDI – Subnational HDI – Global Data Lab». Consultáu'l 2020-01-06.
4. ↑ (2019) En cifras, ¿cómo vamos? 2019 (en castellanu), páx. 41.
5. ↑ «International Living».
6. ↑ Espinosa, Camila Ayala. «Aguascalientes, con el mayor crecimiento económico del país» (castellanu). Consultáu'l 2020-01-06.
7. ↑ «Aguascalientes prepares for one of world's 10 largest fairs» (2019-04-17). Consultáu'l 2020-01-06.
8. ↑ «The San Marcos Fair in Aguascalientes – Doña Cholita Tortilleria». Consultáu'l 2020-01-06.