Altruismus

Altruismus (lat. alter ‚dr Anderi‘) bedütet in dr Alldaagssprooch „Unäigennützigkäit, Sälbstlosikäit, e Wiis z Dänke und Handle, wo Rücksicht uf anderi nimmt“,^[1] cha aber bis hüte nit allgemäingültig definiert wärde.^[2] Dr Begriff isch noch em Auguste Comte, won en brägt het, e Gegebegriff zu Egoismus und umfasst eso e Verhaltenswiis, wo äim Indiwiduum zugunste vom ene andere mee Chöste as Nutze iibringt.^[3] Anderi Autore, wie zum Bischbil dr Humberto Maturana, Charlie L. Hardy und Mark van Vugt oder David Miller und David Kelley, gönge drvo us, ass altruistischs Handle zwar nit mit eme ummiddelbare Nutzen oder Gegewärt muess verchnüpft si, aber schliesslig – uf langi Sicht – dr Vordäil vo däm wo altruistisch handlet gröösser isch as was es en emol kostet het.^[4][5] Anderi Wüsseschaftler wie dr Jonathan Seglow mache in iirer Definizioon klar, ass Altruismus nit cha erzwunge wärde, ooni dass es si altruistisch Charakter verliert.^[6] Doodrus cha dr Schluss zooge wärde, ass altruistischs Verhalte e freiwilligi Handlig isch, wo vo dr freije Entschäidig vo däm, wo handlet, abhängt.

1. ↑ Gerhard Wahrig: Großes deutsches Wörterbuch.
2. ↑ David Miller: ’Are they my poor?’: The problem of Altruism in a World of Strangers. In: Jonathan Seglow (Hrsg.): The Ethics of Altruism.: Frank Cass Publishers, London 2004, ISBN 978-0-7146-5594-9, S. 106–127.
3. ↑ Manuela Lenzen: Evolutionstheorien in den Natur- und Sozialwissenschaften. Campus Verlag, 2003, ISBN 3-593-37206-1 (Google Books). 
4. ↑ Charlie L. Hardy, Mark van Vugt: Giving for Glory in Social Dilemmas: The Competitive Altruism Hypothesis. (PDF; 75 kB) University of Kent, Canterbury 2006.
5. ↑ David Kelley: Altruism and capitalism. In: IOS Journal. 1. Januar 1994.
6. ↑ Jonathan Seglow (Hrsg.): The Ethics of Altruism.. ROUTLEDGE CHAPMAN & HALL. London, ISBN 978-0-7146-5594-9.