Angiras

De Angiras (Sanskrit: अंगिरस्, Aṅgiras m.) isch ann vo de sibe Waise (saptarishi) im Hinduismus. Em sind meriri Hymne im Rigveda gwidmet.

De Angiras isch e Soo vom Brahma und us demm sii Gaist entstande. Sini fier Fraue sind d Smriti („Erinnerig“), d Shraddha („Globe“), d Svadha („Opfer“) und d Sati („Wooret“). Er hett drai Söö, nämmli de Samvarta, de Utathya und de Brihaspati. Mengisch werd er mit em letschtee gliichgsetzt. Zodem isch er de Stammmvatter vom halbgöttliche Priestergschlecht Angirasas. Die wered mit verschidnige Füürarte und Himmelserschiinige i Verbindig broocht und si sind oo Bschützer fo Opferhandlige.