Arabismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los arabismos son los vocables d'un idioma que tienen procedencia arabe. Los idiomas con mas arabismos acostumbran a estar los de países con tradición musulmana pero con una luenga no semitica, como Irán u Turquía. La influencia que l'arabe consiguió en la Edat Meya como idioma de cultura fació que muitos vocables d'orichen arabe pasasen a las luengas romances occidentals y atras luengas d'Europa, estando l'arabe tamién un gran trasmisor de palabras de lo griego u d'as luengas d'Asia.

En lo sud d'Italia y, sobretot, en las luengas de la Peninsula Iberica, la importancia de los arabismos ye la causa de la presencia arabe en lo que se conoix como Al-Andalus entre los sieglos VIII y XV, estando mas destacable en las variedaz meridionals de los romances peninsulars. Los arabismos de l'aragonés, portugués, castellano, catalán y siciliano constitueixen un superstrato en estas luengas.