Cerveza

Cerveza
Nome Cerveza
Detalles
Ingredientes cebada (es) Traducir, lúpolo (es) Traducir, agua y lleldu
Materiales usaos Hordeum
lúpolo (es) Traducir
Más información
Historia historia de la cerveza (es) Traducir
Caráuter unicode 🍺
[editar datos en Wikidata]

La cerveza[1] ye una bébora alcohólico, non destilado, de tastu amargosu que se fabrica con granos de cebada o otros cereales nel que'l so aprestu, una vuelta remanáu, ye formentao n'agua y normalmente arumáu con llúpulu. D'ello conócense múltiples variantes con una estensa esbilla de matices debíos a los diversos mous d'ellaboración y a los ingredientes emplegaos. Xeneralmente presenta una color ámbare con tonos que van del mariellu oru al negru pasando pelos marrones bermeyos. Considéraselo "gaseoso" (caltién CO2 esllío en saturación que se manifiesta en burbuyes a la presión ambiente) y suel tar colmao d'un esplume más o menos persistente. El so fustaxe pue ser cristalín o turbiu. La so graduación alcohólica pue algamar los 30% vol., anque principalmente s'alcuentra ente los 3% vol. y 9% vol.

Esisten otres bébores alcohóliques con carauterístiques o apariencia diferentes pero fabricaes tamién a bas d'aprestu formentao que, cuando nun poseyen un nome específicu (como'l saque o'l pulque), son asimilaes a cerveces. Nesti últimu casu añádese un complementu al nome de "cerveza" al envís d'evitar malentendíos (por exemplu, cerveza de banana). La cerveza ensin alcohol ye un casu especial al cuntar con conteníu alcohólicu despreciable o ausente, anque comparte les mesmes carauterístiques de base que'l restu de les cerveces.

A diferencia de les bébores obteníes a partir de zusmios de frutes formentaos (como los vinos o la sidra), na cerveza, el cereal nun contién nin agua nin azucre, pecuñarizando dambes circunstancies el procesu d'ellaboración. P'algamar azucre a partir del aprestu, ye preciso modificalo per aciu'l maltiáu y somorguialo n'agua a la temperatura afayadiza a fin de completar la conversión. El llíquidu resultante, compuestu d'azucres, proteínes y residuos procedentes del cereal, cáltriase, fiérvese vigorosamente y se-y amiesta'l llúpulu. Llueu s'enfría hasta una temperatura que permita'l desenrollu del lleldu, añádense estes y s'anicia'l formientu que producirá l'alcohol y el CO2.

  1. Esti términu apaez nel Diccionariu de l'Academia de la Llingua Asturiana. Ver: cerveza

From Wikipedia, the free encyclopedia · View on Wikipedia

Developed by Nelliwinne