Errore-marjina

Errore-marjina inkesta baten emaitzetan ausazko laginketaren errore-kopurua adierazten duen estatistika da. Zenbat eta handiagoa izan errore-marjina, orduan eta konfiantza gutxiago izan behar da inkestaren emaitzan. Errore-marjina positiboa izango da populazio baten laginketa osatu gabe egiten bada eta emaitza-neurriak bariantza positiboa badu, hau da, neurria aldatu egiten bada.^[1]

Bakoitzaren emaitzetan izan dezaken lagin-akatsa oreka-ekintza bat da; izan ere, inkesta egitean talde txiki bat (inkestatuen taldea) erabiltzen da biztanleria askoz handiagoa ordezkatzeko (merkatu objektiboa edo biztanleria osoa, adibidez)^[2]. Pentsatu errore-marjina egindako inkesta zein eraginkorra den neurtzeko modu bat dela.

• Zenbat eta errore-marjina txikiagoa izan, orduan eta konfiantza handiagoa izango da emaitzetan.
• Zenbat eta errore-marjina handiagoa izan, orduan eta gehiago desbideratuko dira emaitzak biztanleria osoaren iritzietatik.

Izenak adierazten duen bezala, errore-marjina inkesta baten benetako emaitzen gainetik eta azpitik dauden balioen tartea da. Adibidez, % 60k baietz erantzun bazuen inkesta batean eta % 5eko errore-marjina badugu, esan nahi du biztanleria osoaren % 55-65ek uste duela erantzuna baiezkoa dela^[2].

Errore-marjina terminoa inkestak ez diren testuinguruetan erabiltzen da maiz, neurtutako zenbatekoen berri ematean behaketa-errorea adierazteko. Lagunarteko hizketan ere erabiltzen da, helburu bat lortzeko norberak izan dezakeen espazio edo malgutasun kopurua adierazteko.

1. ↑ Wonnacott, T.H. and R.J. Wonnacott (1990). Introductory Statistics (5th ed.). Wiley. ISBN 0-471-61518-8.
2. ↑ ^{a b} (Gaztelaniaz) «Margin of Error Calculator» SurveyMonkey (Noiz kontsultatua: 2023-03-07).