Escudu

Un escudu ye'l arma defensiva activa más antigua utilizada pa protexese de les armes ofensives y pa un ataque.Conozse siquier dende la dómina sumeria (III mileniu e.C. , en Mesopotamia) y va ser utilizada n'Occidente hasta'l sieglu XVII, cuando les armes de fueu individuales xeneralizáronse, quedando asina obsoleto. Comúnmente se embraza nel brazu esquierdu y ayuda a cubrir el cuerpu de los embates ensin torgar l'usu del brazu derechu pa contraatacar. L'escudu foi usáu por cuasi toles cultures humanes pa la defensa na llucha, tanto a distancia como cuerpu a cuerpu, pol so versatilidad pa cubrir al lluchador de les agresiones con armes refundiaes o blandidas.

Conoció grandes cambeos tantu nos materiales como na so forma, yá seya al traviés de los tiempos o por rexones xeográfiques, afaciéndose a los cambeos teunolóxicos o táctiques p'asegurar la máxima proteición a los combatientes. Cada vez qu'una nueva arma de potencial letal más importante yera introducida, l'escudu entestábase o la calidá de los sos materiales crecía, hasta que la pólvora, que llanzaba proyeutiles furadores a gran distancia, convirtieron el so usu inútil nel campu de batalla. En numberoses rexones del globu onde'l sistema tribal entá persiste (Oceanía, África, etc.), los escudos yeren utilizaos a empiezos del sieglu XX.

A partir del sieglu XX, l'escudu realcuentra un usu nel senu de numberoses fuercies de policía na llucha antidisturbios, na que sirve de proteición contra los llanzamientos, y tamién como sofitu pa refugar a los manifestantes (lleváu davezu polos policías en primer llinia). Ta realizáu con material plástico, polo xeneral tresparente, con cuenta de dexar la visión y simultáneamente la proteición de la cara.

Otra versión moderna ye usada tamién por fuercies especiales o d'elite particularmente p'asediu y control de situaciones de toma de rehenes. Xeneralmente tán realizaos n'aceru reforzao y cerámica.