Back Pfadfinder ALS كشافة Arabic ܒܕܘܩܐ ARC Dünya Skaut Hərəkatı Azerbaijani Скаўцкі рух Byelorussian Скаўцкі рух BE-X-OLD Скаутско движение Bulgarian স্কাউটিং Bengali/Bangla Skoutelezh Breton Izviđači BS
El escultismu (del inglés scouting, que significa esplorar) ye un movimientu ideolóxicu que busca educar a neños y nuevos, principal o puramente, en base en valores ideolóxicos y xuegu al campu, qu'anguaño ta presente en 165 países y territorios, con aproximao 40 000 000 de miembros en tol mundu, arrexuntaos en distintes organizaciones.
El Movimientu Scout nació como una manera de combatir la delincuencia na Inglaterra de principios del sieglu xx, buscando'l desenvolvimientu físicu, espiritual y mental de los mozos por que aportaren a «bonos ciudadanos» al traviés d'un métodu específicu inspiráu na vida militar y al campu que les sos directrices seríen establecíes nel manual Escultismu pa rapazos (1908), del coronel británicu Robert Stephenson Smith Baden-Powell of Gilwell, qu'en 1909 foi nomáu caballeru y recibió el títulu de sir, pasando a ser lord Baden-Powell, I barón de Gilwell.
En 1907 realizóse'l primer campamentu esperimental na isla de Brownsea, Badea de Poole, Dorset, na mariña sur d'Inglaterra, nel que participaron 20 rapazos separaos en 4 patrulles; «Llobos», «Toros», «Chorlitos» y «Cuervos»; fíos de conocíos militares que fixeron campaña, n'África o Asia, con Baden-Powell y d'obreros de Londres. De resultes del ésitu del nuevu sistema, Baden-Powell escribió un llibru onde arrexuntaba esperiencies y anécdotes rellacionaes con esta práutica, lo que terminó siendo'l yá mentáu Escultismu pa rapazos.
Darréu, el escultismu foi perfeccionáu por Vera Barclay y Roland Phillips, ente otros.
El Movimientu Scout pon énfasis nes actividaes lúdiques con oxetivos educativos, nes actividaes al campu y nel serviciu comuñal, estes postreres al envís de formar el calter y enseñar de forma práutica valores humanos, al contrariu de la formación académica teórica, por eso la énfasis recái nel exemplu del monitor. Toma como base del so sistema educativu'l «lobatismo» nel casu de los neños ambiente de familia feliz— y el sistema de patrulles —pequeños «grupos» d'amigos—. De la mesma, dependiendo del grupu scout y l'asociación correspondiente a cada país, esisten unidaes mayores de moces (Pioneros, Caminantes, Rovers, etc.), de neños bien pequeños (Castores, Esguiles) y de neños ente 7 y 11 años (Lobatos).