Gastronomiya

An gastronomiya (Ingles: gastronomy) iyo sarong kompuwestong taramon na gikan sa suanoy na Griyegong mga taramon γαστήρ -τρός "tulak" and -νομία "-mamayo".^[1] Ini an pag-aadal sa relasyon kan pagkakan asin kultura, an arte sa pagpreparar asin pagsirbe nin mayaman o masisiram na pagkakan, an istilo sa pagluto sa mga partikular na rehiyon, sagkod an siyensya nin marhay na pagkakan.^[2]

An apud sa mga eksperto sa lado nin gastronomiya iyo an mga gastronomo, mientras an gastronomista iyo an minasaro sa teorya asin praktika kan pag-aadal nin gastronomiya. An praktikal na gastronomiya iyo pig-aasosyar sa praktika asin pag-aadal kan preparasyon, produksyon, asin serbisyo nin nagkapirang mga pagkakan asin inomon, sa mga nasyun sa bilog na kinaban. An teoretikal na gastronomiya iyo minasuporta sa praktikal na gastronomiya. Relatibo ini sa sarong sistema asin prosesong pagrani, nakapokus sa mga resipe, teknik asin mga libro sa pagluto. An pagkakan na gastronomiya iyo konektado sa pagkakan asin inomon sagkod sa saindang ginikanan. An teknikal na gastronomiya iyo pigsusuportahan an praktikal na gastronomiya na minatao nin sarong rigorosong pagrani sa ebalwasyon nin mga gastronomikong urulay.^[3][4]

1. ↑ "gastronomy - Wiktionary". en.wiktionary.org (in English). Retrieved 2021-01-07. 
2. ↑ Oxford Dictionary.
3. ↑ Gillespie, Cailein; Cousins, John (23 May 2012). European Gastronomy into the 21st Century. Routledge. p. 4. ISBN 978-1-136-40493-1. 
4. ↑ Cun, Crystal (13 May 2011). "What the Hell Is Gastronomy, Anyway?". Adventures of an Omnomnomnivore in NYC. self-published. Retrieved 7 August 2020.