Grumpy Cat

Grumpy Cat (4. April 2012 bet 14. Mai 2019), Ökelnaam vör Tardar Sauce, weer en wievliche Katt un Internettfänomeen un bekennd vör eer mukschen Gesichtsuutdruck. Vulgens de Betrouwersche Tabatha Bundesen is Dwargenwuss de Oorsaak vör düssen stüttigen, gnatterigen Uutdruck. Grumpy Cat eer Beröömdheid begünn, as Tabatha eer Broder, Bryan, en Foto op de Websteed Reddit hooglaad. Vun dat Foto sünd Bildmacros (Bild mid Text) mid verschillene luunsche un verdreetliche Bildopschrivten maakt worrn, üm en humoristschen Effekt to hebben. De Memes sünd bannig beröömd döör Websteden so as 9GAG. "The Official Grumpy Cat" op Facebook hett meer as 8 Milljonen "Likes". Grumpy Cat stunn an'n 30. Mai 2013 op dat Titelbladd vun dat Wall Street Journal. 2014 worr de Feernsee-Film Grumpy Cat's Worst Christmas Ever uutstraald. An'n Dingsdag, den 14. Mai 2019 is Grumpy Cat mid söven Jaren doodbleven as en Vulg vun en Miegweginfekschoon.


From Wikipedia, the free encyclopedia · View on Wikipedia

Developed by Nelliwinne