Hamster

Hamster
E Roborowski-Zwärghamster (Phodopus roborovskii)
Systematik
Überordnig: Euarchontoglires Ordnig: Nagedier (Rodentia) Underordnig: Muusverwandti (Myomorpha) Überfamilie: Muusartigi (Muroidea) Familie: Wüehler (Cricetidae) Underfamilie: Hamster
Wüsseschaftlige Name
Cricetinae
Fischer, 1817

D Hamster (Cricetinae; alemannischi Näme) si Nager us dr Gruppe vo de Muuseartige und wärde meistens zu de Wüehler zehlt.

Ihri Verbreitigsgebiet si drocheni und halbdrocheni Gebiet in Eurasie. In Mitteleuropa chunnt nume dr Fäldhamster vor. Fossil si Hamster sit em mittlere Miozän us em nördlige Afrika und us Eurasie bekannt. Die meiste Hamster si nid gfährdet. En Usnahm bildet dr Syrischi Goldhamster, wo wien e baar anderi Hamster as Versuechs- und Heimdier vo Bedütig isch.

D Hamster si muus- bis rattegross, hai d Gstalt vo Wüehlmüüs, aber meistens e churze Schwanz. Si hai in jeder Chiiferhelfti drei Stockzehn mit Wurzle und mit Höcker, wo in zwei Reihe dr Lengi nooch agordnet und dur Schmelzleiste meistens chrüzwiis mitenander verbunde si. D Backedäsche, wo inne lige, diene zum Nahrig z dransportie.