Heloten

Helote (altgriech. εἵλωτες, heílōtes Pl., vo altgriech. heléin "nee, eroobere"; also „die Eroberete“, „die Gfangene“) het mä de Aaghörige von ere soziale Schicht im altgriechische Staat Lakedaimon, wo dr Hauptort von em Sparta gsi isch, gsäit, wo zwar im Staat sässhaft gsi si aber käini Bürgerrächt ghaa häi. Si si an d Scholle bunde gsi und noch em Strabon (8, 5, 5) en Art öffentligi Sklave gsi, wääred dr Pausanias Periegetes si as Staatssklave bezäichnet het. D Helote si die grössti Bevölkerigsgrubbe im Staat gsi und häi bsundrigi Chläider aaghaa.