Israel

מדינת ישראל Medinat Jisra'el (hebr.)

دولة إسرائيل Daulat Isrāʾīl (arab.)

Staat Israel

{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Amtsspraach Neuhebräisch (Ivrit), Arabisch
Hauptstadt Jerusalem
Staatsoberhaupt Jitzchak Herzog
Regierigschef Benjamin Netanjahu
Flächi Kernland 22.380 km²
bsetzti Gebiet 6.831 km²
Iiwohnerzahl 9.136.000 inkl. Ost-Jerusalem und dr Golan-Distrikt; Fortschriibig Dezämber 2019[1][2]; 391.000 israelischi Siidler lääbe in Judäa und Samaria (Westjordanland) (Schetzig 2016)[3] (96./94.)
Bevölkerigsdichti 410 Iiwohner pro km²
Bruttoinlandsprodukt
  • Total (nominal)
  • Total (KKP)
  • BIP/Einw. (nominal)
  • BIP/Einw. (KKP)
2023[4]
  • $ 539 Milliarde (29.)
  • $ 533 Milliarde (48.)
  • $ 55.535 (13.)
  • $ 55.000 (29.)
Human Development Index 0,919 (22.) (2021) [5]
Währig 1 Noie Israelische Schekel (₪/NIS) = 100 Agorot
Unabhängigkeit 14. Mai 1948 – 5. Ijjar 5708
Nationalhimne HaTikwa (als.: „d Hoffnig“)
Nationalfiirtig 5. Ijjar (Tag vo de Unabhänigikeit)
Zitzone UTC+2
UTC+3 (Sommerzit)
Kfz-Kennzeiche IL
ISO 3166 IL, ISR, 376
Internet-TLD .il
Vorwahl +972

Israel (hebräisch ‏מדינת ישראלMedinat Jisra'el, arabisch دولة إسرائيل‎, DMG Daulat Isrāʾīl) isch en Staat in Vorderasie a de südöstliche Mittelmeerchüste, wo a de Libanon, Syrie, Jordanie, as Westjordanland, Ägypte und de Gazastreife gränzt. Israel isch en jüdische, freiheitlich-demokratische Rächtsstaat. D Hauptstadt isch Jerusalem. Administrativ isch s Land i sächs Bezirk iitäilt.

Völkerrächtlich isch Israel dur e Resolution vo de Generalversammlig vo de Vereinte Natione us em Jahr 1947 legitimiert und isch nach m Ändi vom britische Mandat über Palästina am 14. Mai 1948 als repräsentativi Demokratie mit eme parlamentarische Regierigssystem proklamiert worde. De Ministerpräsident dient als Regierigschef und d Knesset als Eichammereparlamänt. D Politik und d Geschicht vo Israel sind dur de Nahostkonflikt bestimmt, wo bis hüt nit glööst isch.

Israel ghört zu de dichter besidlete Länder vo Asie und isch de einzigi Staat uf de Wält, wo d Jude d Bevölkerigsmehrheit bilde. Di israelischi Bevölkerig wird uf über 9,1 Millione Mänsche gschätzt (Stand 2019), drvo si öbbe 6,7 Mio. Jude (74,2 %), 1,9 Mio. nitjüdischi Araber (20,9 %) und e baar witeri Minderheite, wo traditionell im Land dehäim si, wie christligi Aramäer, Samaritaner, Armenier, Tscherkesse und Roma. Di jüdischi Bevölkerig bestaht unter anderem us Aschkenasim, Misrachim, Sephardim, jemenitische Jude und äthiopische Jude. Die meiste arabische Israeli sind sesshafti Muslim, es git aber au en gringe Anteil vo Beduine, Christe und Druse. Sit de 2000er Jahr läbet in Israel au mehreri Tusig asiatischi Gastarbeiter und Asylbewärber us Afrika.

Israel isch en Industriistaat und Mitgliid vo de OECD. Mit sim Bruttoinlandprodukt isch es di 41-grössti Volkswirtschaft uf de Wält (Stand 2013). Israel hät de höchsti Läbesstandard im Nöche Oschte und de dritthöchsti in Asie.[6] D Läbeserwärtig isch äini vo de höchste uf de Wält.

Israel hät die stärchst Armee im Nöche Oste und es wird aagnoo, dass es en Atommacht isch.

  1. Israelischs Zentralbüro für Statistik: בפתחה של שנת 2020 - יותר מ-1.9 מיליון תושבים במדינת ישראל (PDF; 326 kB), veröffentligt am 31. Dezämber 2019, abgrüeft am 8. Januar 2020.
  2. Israelischs Zentralbüro für Statistik (CBS): הודעה לתקשורת (PDF, Pressemitteilung), veröffentlight am 6. Mai 2019, abgrüeft am 6. Mai 2019.
  3. The World Factbook: West Bank
  4. Report for Selected Countries and Subjects. Abgruefen am 20. Mai 2023 (änglisch).
  5. Table: Human Development Index and its components. In: Entwicklungsprogramm der Vereinten Nationen (Hrsg.): Human Development Report 2021/2022. United Nations Development Programme, New York 2022, ISBN 978-92-1001640-7, S. 272 (englisch, undp.org [PDF]).
  6. Angabe vom Human Development indices, dem Entwicklungsprogramm der Vereinten Nationen. Abgrüeft am 4. November 2010.

From Wikipedia, the free encyclopedia · View on Wikipedia

Developed by Nelliwinne