Katipunan

Katipunan
País	Filipines
Función	Pa establecer una república de Filipines

El Katipunan yera una sociedá secreta fundada nes Filipines por Andrés Bonifacio pa lliberar el país de los colonizadores españoles. El Katipunan conocíu ye realmente una versión más curtia del nome oficial, que ta en tagalu: Kataas-taasang, Kagalang-galangang Katipunan ng̃ mg̃á Anak ng̃ Bayan (Kataas-taasang, Kagalang-galangang Katipunan nang mangá Anak nang Bayan —traducíu más o menos como 'Suprema y Venerable Asociación de los Fíos del Pueblu'—). El Katipunan tamién ye conocíu poles sos sigles, KKK (nun confundir col Ku Klux Klan). Katipunan ye un términu que quier dicir la sociedá, la pallabra raigañu del tagalu ye tipon que significa recoyer. El Katipunan foi fundáu dempués de la detención de los miembros principales de La Lliga Filipina, organización fundada pol Dr. José Rizal y de la cual Andrés Bonifacio foi miembru.