Back Lausanne ALS ሎዛን Amharic Lausana AN لوزان Arabic لوزان ARZ Lausana AST Lausanne AVK Lozanna Azerbaijani لوزان AZB Lausanne BAN
|
Lausanne | |
|---|---|
| Kaart | Wapen |
 | |
 | |
| Vlag | |
 | |
| Land |  Switserland
|
| Kanton |  Vaud
|
| Koördinate | 46°31′N 06°38′O / 46.517°N 6.633°O |
| Stigting | Voor 1ste eeu v.C. |
| Oppervlakte: | |
| - Totaal | 41,38 vk km |
| Hoogte bo seevlak | 495 m |
| Bevolking: | |
| - Totaal (2020) | 140 202 |
| - Bevolkingsdigtheid | 3 388/vk km |
| Tydsone | UTC +1 (MET) |
| - Somertyd | UTC +2 (MEST) |
| Klimaat[1] | |
| - Tipe | Gematigde klimaat |
| - Gemiddelde jaarlikse temperatuur | 9,5 °C |
| - Gem. temp. Januarie/Julie | 1,1 / 18,4 °C |
| - Gemiddelde jaarlikse neerslae | 1 113 mm |
| Burgemeester | Grégoire Junod (SP) |
| Amptelike webwerf | www.lausanne.ch |
Lausanne (Frans: [lo'zan]; Duits: [loˈzan], ; Italiaans en Romansch: Losanna) is die hoofstad van die Switserse kanton Vaud en die distrik Lausanne, met sowat 140 200 inwoners in die stads- en 312 000 in die metropolitaanse gebied. Die stad in die Franssprekende weste van Switserland is die vyfde grootste in die land en 'n belangrike ekonomiese, kulturele, vervoer- en onderwyssentrum. Lausanne huisves sedert 1874 die Federale Geregshof van Switserland.
Lausanne is aan die noordoewer van die Meer van Genève (Frans: lac Léman) geleë. Die stadsgebied strek vanaf die seeoewer by die Ouchy-hawe tot by die bosgebiede van Jorat. Menslike gemeenskappe het hulle al omstreeks 6000 v.C. in die gebied gevestig. Die stad se huidige naam dateer uit die antieke tydperk; die 2de eeuse Gallies-Romeinse nedersetting Lousanna het omstreeks 400 as civitas Lausanna bekend gestaan.
Lausanne speel as setel van die Internasionale Olimpiese Komitee (IOK, sedert 1915) – en sedert 1993 as hoofstad van die Olimpiese Beweging – ook 'n belangrike rol op die gebied van sport. Op godsdienstige gebied was Lausanne tussen die laat 6de eeu en 1536 'n biskopsetel en belangrike bestemming vir pelgrims.