Back وصل (فرنسية) Arabic Liaison AST Liaison (Sprachwissenschaft) German Liaison (French) English Liaison Spanish Liaison en français French Liaison (Bahasa Prancis) ID Liaison Italian リエゾン Japanese 리에종 Korean
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La liaison ye un tipo de sandhi externo que consiste en la inserción d'una consonant etimolochica entre dos parolas contiguas pa evitar achuntar la vocal final de la primera con la vocal inicial de la segunda. Por eixemplo, entre l'articlo definiu les /le/ y lo substantivo plural enfants /ɑ̃fɑ̃/, se meterá una /z/ u "s sonora" pa fer la liaison.
La consonant etimolochica (u consonant condicionada por la etimolochía), ye una antiga consonant que se deixó de pronunciar como consonant final pero que ye susceptible de pronunciar-se encara cuan ye debant de la vocal inicial de la parola siguient.
La liaison ye tipica de lo francés, manimenos tamién se produce en occitán provenzal,[1] y ye documentada con la l cheminada en belsetán.[2]
La liaison nunca no se fará con la conchunción copulativa et ni con las s finals de las parolas composadas.[3]
Los emplegos de la liaison se clasifican en obligatorios u facultativos,[4] estando las liaisons facultativas mes propias de lo rechistro culto.[3]
- ↑ (fr) Pierre Bec: La langue occitane. Presses universitaires de France, 1973. Colection Que sais-je?.
- ↑ (es) Lozano, Ch., Saludas, Á.L. (2005). Aspectos morfosintácticos del belsetán. Zaragoza: Gara d'Edizions - IFC.
- ↑ 3,0 3,1 (es) Gramática francesa. Larousse Editorial, S.A, 2000. p 161, pp 222-223.
- ↑ (fr) Élodie Heu: Le nouvel édito. Niveau B1. Les Éditions Didier, 2012, pp 184-185.