Lleian

Lleian yw dynes sy'n byw bywyd crefyddol neilltuedig, un ai ar ei phen ei hun neu mewn cymuned, ac yn dilyn rheolau arbennig. Gelwir dyn sy'n byw yr un math o fywyd yn fynach. Ceir lleianod mewn nifer o grefyddau, ond yn arbennig mewn Cristnogaeth a Bwdhaeth.

Tueddir i ddefnyddio "lleian" am berson sy'n byw mewn cymuned a elwir yn lleiandy; ond mewn gwirionedd mae meudwyes, sy'n byw ar ei phen ei hun, hefyd yn fath ar leian.