Magnaura (Graece Μαγναύρα, forte a voce Latina Magna Aula) fuerunt aedes magnae in urbe Constantinopoli iuxta palatium Magnum sitae.[1] Quae quidem aedes ad orientem Augustaei fori haud procul ab ecclesia Sanctae Sophiae positae sedes senatus Constantinpolitani putantur. Porticus marmorea Chalcis (quod nomen a voce Graeca Χαλκῆ pro aere traxit) nuncupatae anteposita erat. His in aedibus more basilicae trinavis exstructis nuntii peregrini excipi ab imperatoribus solebant.