Back توحيد المعايير Arabic Normalización AST Standartlaşdırma Azerbaijani Estandardització Catalan Standardizace Czech Standardisierung German Τυποποίηση Greek Standardization English Normalización Spanish Standardimine Estonian
- Artikulu hau produktu, zerbitzu edo jarduera baten normalizazio edo estandarizazioari buruzko da, beste esanahiei buruz jakiteko ikus Normalizazio (argipena)
Normalizazioa edo estandarizazioa produktu, zerbitzu edo jarduera industrial, ekonomiko edo zientifiko bati buruz zehaztapenak ezarri eta aplikatzeko prozesua da, horien kalitatea, segurtasuna eta funtzionaltasuna hobetze aldera. Zehaztapen, arau edo estandar horien bitartez produktuak eta zerbitzuak ezaugarri berdinekin eskaini eta jarduerak prozedura berdinak erabiltzeaz gainera, jarduerak sinplifikatu eta produktu eta zerbitzuen aldaera hutsalak baztertu eta horiekin egiten den lana erraztu egiten da. Adibidez, A4 orri tamaina normalizazioari esker mundu osora zabaldu den formatoa da eta horri esker, karpeta eta bestelako osagarriak beti tamaina horri jarraiki egiten dira besteak beste. Nazioartean aniz dira normalizazio lanetan diharduten erakundeak. Horien artean ezagunenetako bat mundu osorako estandarrak zehazten dituen ISO (International Organization for Standardization) erakundea da.