Nouvelle-Aquitaine

Nouvelle-Aquitaine
Basisdaten
Prefektur	Bordeaux
President vom Regionalrat	Alain Rousset (PS)
Eihwohna	5.982.068 (1. Jenna 2018)
Dichtn	71,2 Eihwohna je km²
Fläch	84.061 km²
Départements	12
Arrondissements	41
Kantone	258
Gmoana	4.503
ISO 3166-2-Code	FR-NAQ

Nouvelle-Aquitaine deutsch : Neu-Aquitanien is da Nam vo ana neien franzesischn Region, dea om 1. Oktoba 2016 duach on Bschluss vom Regionoirod vom 27. Juni in Kroft tredn is.^[1] De Region is om 1. Jenna 2016 untam voalaifing Nam Aquitaine-Limousin-Poitou-Charentes duachn Zammschluss vo de bishearing Regiona: Aquitanien (Aquitaine), Limousin und Poitou-Charentes entstondn. Diesa voalaifige Nam hod se aus de Bezeichnunga vo de fusioniadn Regiona in alphabetischa Reihnfoig buidd.

Nouvelle-Aquitaine is mid 84.061 km² knopp voa Französisch-Guayana de gressde Region und hod 5.982.068 Eihwohna (Stond: 1. Jenna 2018), womid se de viatgressde Region noch da Eihwohnazoih is. Se untateid se in de zwejf Départements: Charente, Charente-Maritime, Corrèze, Creuse, Deux-Sèvres, Dordogne, Gironde, Haute-Vienne, Landes, Lot-et-Garonne, Pyrénées-Atlantiques und Vienne. Se grenzd (im Uarzoagasinn) on de Regiona: Pays de la Loire, Centre-Val de Loire, Auvergne-Rhône-Alpes, Okzitanien sowia on Spanien.

Vawoitungssiez vo da Region is Bordeaux.

1. ↑ La région choisit son nom: Nouvelle-Aquitaine (Memento des Originals [1] vom 27. Juni 2016 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/laregion-alpc.fr auf laregion-alpc.fr, obgruafa om 27. Juni 2016