Sevilla

Sevilla
NO8DO (es) Traducir Escudo de Sevilla (es) Traducir
Alministración
País España
Autonomíasimple Andalucía
Provincia provincia de Sevilla
Tipu d'entidá conceyu d'España
Alcalde de Sevilla Juan Espadas Cejas
Nome oficial Sevilla (es)[1]
Nome llocal Sevilla (es)
Códigu postal 41000–41099
Xeografía
Coordenaes 37°23′00″N 5°59′00″W / 37.3833°N 5.9833°O / 37.3833; -5.9833
Sevilla alcuéntrase n'España
Sevilla
Sevilla
Sevilla (España)
Superficie 140.8 km²
Altitú 12 m
Llenda con
Demografía
Población 684 025 hab. (2023)
- 326 634 homes (2019)

- 361 958 muyeres (2019)
Porcentaxe 35.12% de provincia de Sevilla
0% de Andalucía
1.44% de España
Densidá 4858,13 hab/km²
Xentiliciu sevillanu (masculín singular)[2]
sevillana (femenín singular)[2]
sevillano (xéneru neutru)[2]
sevillanes (femenín plural)[2]
sevillanos (masculín plural)[2]
Más información
Prefixu telefónicu 95
Estaya horaria UTC+01:00 (horariu estándar)
UTC+02:00 (horariu de branu)
Llocalidaes hermaniaes
sevilla.org
Cambiar los datos en Wikidata

Sevilla[3] ye un municipiu y ciudá española, capital d'Andalucía y de la provincia de Sevilla. Ye, colos sos 684 025 habitantes (2023)[4][5] la cuarta ciudá más poblada del país, tras Madrid, Barcelona y Valencia. El so conceyu, de 140,8 km², d'estensión, ta comprendíu dientro del área metropolitana de la ciudá, formada por 46 conceyos qu'axunten 1.508.605 habitantes nos sos 4.535,78 km² d'estensión.

El so cascu históricu ye, coles sos 335 ha d'estensión, ún de los mayores d'España. Ye bayurosu en monumentos, y eso, xunto cola abondanza d'espacios escénicos y culturales, fai de la ciudá un destín turísticu perimportante. Ente los sos monumentos, que dalgunos foron declaraos Patrimoniu de la Humanidá pola UNESCO en 1987, rescamplen la Xiralda, la Catedral, l'Alcázar, l'Archivu d'Indies y la Torre del Oro.

El so puertu ye l'únicu puertu fluvial d'España. D'ellí al océanu Atlánticu'l ríu Guadalquivir percuerre 80 km, toos navegables. El tamañu de los barcos qu'aporten al puertu ta llimitáu por una presa que permite un caláu máximu de 8,5 m; el caláu aereu máximu, determináu pela ponte de circunvalación nomada V Centenario, ye de 42 m. Amás d'elli, la ciudá ta perbién comunicada, per tren (convencional y d'alta velocidá) y per carretera, col restu del país. Tien, tamién, un aeropuertu internacional. Tocántenes a la industria, hai que destacar la industria aeronáutica y militar, y tamién los sos astilleros.

El so desarrollu urbanísticu recibió un emburrión importante cola celebración de la Esposición Iberoamericana de 1929. P'aguapar la ciudá ficiéronse d'aquella conxuntos arquiteutónicos y parques tan nomaos anguaño como'l conxuntu d'edificios de la plaza d'España o el parque María Luisa. Años dempués, con motivu de la Esposición Universal de 1992, ameyoráronse enforma les infraestructures, tanto aeronáutiques como ferroviaries (abriose l'AVE que comunica la estación de Santa Justa cola madrilana d'Atocha, que foi'l primeru d'España). En pasando aquella lliberáronse bien de terrenos yá urbanizaos que foron aprovechaos pa instalar empreses de nueves teunoloxíes, facultaes universitaries y el parque temáticu Islla Mágica.

La Universidá de Sevilla, fundada en 1505 y con más de 55.000 estudiantes, ye (xunetu 2011) la primera más importante d'España y la 116ª del mundu según un ránking de baremación internacional[6]. Nel municipiu vecín de Dos Hermanas hai otra universidá, la Universidá Pablo de Olavide, que tien 10.000 estudiantes.

Llocalidaes hermaniaes

Les ciudaes hermaniaes con Sevilla son:

  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. 2,0 2,1 2,2 2,3 2,4 «Diccionariu de la Llingua Asturiana» (asturianu) (15 avientu 2000). Consultáu'l 27 setiembre 2022.
  3. Esti términu apaez nel Diccionariu de l'Academia de la Llingua Asturiana. Ver: sevillanu, -a, -o
  4. Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
  5. oficina de rexistru
  6. Ránking web d'universidaes del mundu. Consultáu en setiembre de 2011.

From Wikipedia, the free encyclopedia · View on Wikipedia

Developed by Nelliwinne