Xuguete

Un xuguete ye un oxetu pa xugar y entretener, xeneralmente destináu a neños. Ciertos xuguetes son afayadizos tamién p'animales domésticos, sobre too perros y gatos, esistiendo inclusive variedaes de xuguetes creaos específicamente pa ellos. Los xuguetes pueden utilizase individualmente o en combinación con otros. Ciertos xuguetes asóciense con dómines históriques o cultures particulares, ente qu'otros aparenten tener popularidá universal.

Los xuguetes pa neños y neñes suelen ser de temática estremada, teniendo polo xeneral un reflexu na vida adulta de la so propia cultura. Asina, por casu, munchos xuguetes pa neñes representen xeres adultes típicamente femenines, tales como la crianza (muñeques); ente que munchos xuguetes pa neños inclúin típicamente elementos bélicos o d'aición: armes, automóviles, caballos.