Zisterzienser

D Zisterzienser und Zisterzienserinne si Mönch bzw. Nonne, wo in dr Dradizioon vom Gründer vom Chlooster Cîteaux e Lääbe vo Gebät, Lääse und Aarbet wäi lääbe. Dr Zisterzienserorde isch dur Reforme us dr Dradizioon vom Orde vo de Benediktiner entstande. Zu de verschiidene Zwiig vo de Zisterzienser ghööre usser em Zisterzienserorde (lat. Ordo Cisterciensis, (abkürzt OCist, früener SOCist), em monastische Orde in dr röömisch-katholische Chille, au dr Zisterzienserorde vo dr strängere Observanz, d Drabbiste (abkürzt: OCSO, früener OCR) und die männlige und wiiblige Laiegmäinschafte vo de Zisterzienseroblate, wo äim vo de erwäänte Orde understellt si, und d Kongregazioone vo de Bernhardinerinne. Usserhalb vo dr katholische Chille git s d Gmäinschaft vo de Evangeelische Zisterzienser-Erbe, d Gmäinschaft vo de Alt-Katholische Zisterzienser im Orden vo Port Royal, d Gmäinschaft vo de Mariawite und d Gmäinschafte vo de Zisterzienser Oblaate.