Ashoka die Grote

Ashoka die Grote
Chakravartin[1][2]
'n Steen uit die 1ste eeu v.C., wat 'n chakravartin (wêreldheerser) uitbeeld. Waarskynlik is dit 'n uitbeelding van Ashoka.
Vader	Bindusara
Moeder	Subhadrangī

Ashoka die Grote (ook Ashok)^[3] was 'n groot heerser van die Mauryaanse Ryk wat van 268 tot 231 v.C. regeer het.^[4] Sy naam beteken "Hy wat deur die gode geliefd is en wat vriendelik met almal is".

Ashoka word dikwels een van Indië se grootste heersers genoem. Ná baie militêre oorwinnings het hy oor 'n paar van die grootste dele van die hedendaagse Indië regeer. Hy het 'n oorlog teen die koninkryk Kalinga geveg, waarin meer as 200000 mense dood is.^[5]

Omdat Ashoka deur sy wrede oorwinning geskud was, het hy besluit om 'n Boeddhis te word en met vrede sy ryk te regeer. Om dit te doen het hy 'n paar hospitale vir diere en mense geskep. Hy het ook rusgebiede vir moeë reisigers langs paaie geskep en daarna putte in talle dorpe gegrawe; dit is moontlik om 'n lewensbeskrywing oor Ashoka die Grote te skryf omdat daar verskeie inskripsies op rotse en pilare is wat sy lewensloop op 'n akkurate vlak beskryf.

1. ↑ Lars Fogelin (1 April 2015). An Archaeological History of Indian Buddhism. Oxford University Press. pp. 81–. ISBN 978-0-19-994823-9.
2. ↑ Fred Kleiner (1 Januarie 2015). Gardner’s Art through the Ages: A Global History. Cengage Learning. pp. 474–. ISBN 978-1-305-54484-0.
3. ↑ Chandra, Amulya (14 Mei 2015). "Ashoka | biography – emperor of India" (in Engels). Britannica.com. Geargiveer vanaf die oorspronklike op 26 April 2020. Besoek op 9 Augustus 2015.
4. ↑ Thapur (1973), p. 51.
5. ↑ Jerry Bentley, Old World Encounters: Cross-Cultural Contacts and Exchanges in Pre-Modern Times (New York: Oxford University Press, 1993), 44.