Egiptiese piramide

Die Egiptiese piramides is antieke piramidevormige boustrukture in Egipte. Tot in 2008 is 138 piramides in dié land ontdek.^[1][2] Die meeste is gebou as grafkelders vir die land se farao's en hul vroue tydens die periodes van die Ou en die Middelryk van Egipte.^[1][3]

Die vroegste bekende Egiptiese piramides word aangetref by Saqqara, noordwes van Memphis. Die oudste van hulle is die Piramide van Djoser (gebou van 2630-2611 v.C.), tydens die 3de Dinastie. Dit is deur die argitek Imhotep ontwerp en word algemeen beskou as die wêreld se oudste monumentstruktuur van vormklipwerk.^[4] Die raming van hoeveel werkers nodig sou wees om die piramides te bou, wissel van ’n paar duisend tot 100 000.^[5]

Die bekendste Egiptiese piramides is dié by Giza, aan die buitewyke van Kaïro. Verskeie van die Giza-piramides word beskou as van die grootste strukture wat nog gebou is.^[6] Die grootste een is die Piramide van Cheops (of Choefoe). Dit is die enigste van die Sewe Wonders van die Antieke Wêreld wat nog bestaan.

1. ↑ ^{1,0 1,1} Slackman, Michael (17 November 2008). "In the Shadow of a Long Past, Patiently Awaiting the Future". The New York Times (in Engels). Geargiveer vanaf die oorspronklike op 26 Augustus 2019. Besoek op 1 Mei 2010.
2. ↑ Mark Lehner (2008). The Complete Pyramids: Solving the Ancient Mysteries. p. 34. Thames & Hudson. 25 Maart 2008. ISBN 978-0-500-28547-3.
3. ↑ Michael Ritter (2003) [1] Geargiveer 11 Mei 2008 op Wayback Machine Dating the Pyramids. URL besoek op 13 April 2005
4. ↑ Lehner, Mark (1997). The Complete Pyramids. New York: Thames and Hudson. p. 84. ISBN 978-0-500-05084-2.
5. ↑ "Who Built the Pyramids?" (in Engels). National Geographic Society. 1996. Geargiveer vanaf die oorspronklike op 10 September 2012. Besoek op 25 Julie 2012.
6. ↑ Watkin, David (2005). A History of Western Architecture (4th uitg.). Laurence King Publishing. p. 14. ISBN 978-1-85669-459-9.