Back الجزر الفريزية الشمالية Arabic Islles Frisias septentrionales AST Паўночна-Фрызскія астравы Byelorussian Inizi Friz an Hanternoz Breton North Frisian Islands CEB Severofríské ostrovy Czech Nordfrisiske Øer Danish Nordfriesische Inseln German Νησιά βόρειας Φρισίας Greek North Frisian Islands English
| Noord-Friese Eilande Inheemse naam: Nordfriesische Inseln | |
|---|---|
 Die Noord-Friese eilandketting in die Noord-Friese en Deense Waddesee | |
| Geografie
| |
| Ligging | Noord-Friesland, Sleeswyk-Holstein, Waddesee |
| Koördinate | 54°44′N 8°20′O / 54.733°N 8.333°O
|
| Totale eilande | 13 |
| Hoofeilande | Sylt, Föhr, Amrum, Pellworm
|
| Administrasie | |
 Duitsland
| |
| Deelstaat |  Sleeswyk-Holstein
|
 Denemarke
| |
| Streek | Syddanmark
|
Die Noord-Friese Eilande (Deens: Nordfrisiske Øer, Duits: Nordfriesische Inseln, Noord-Fries: Nuurdfresk eilunen) is langs die weskus van die Duitse deelstaat Sleeswyk-Holstein in die Noord-Friese Waddesee geleë. Hulle word omsluit deur die Nasionale Park Sleeswyk-Holsteinse Waddesee, maar maak self nie deel uit van dié natuurreservaat nie. Administratief behoort hulle aan die distrik Nordfriesland.
Soms word ook die Deense Waddesee-eilande, wat langs die weskus van Jutland in Suid-Denemarke geleë is, by die Noord-Friese Eilande gereken. Hierdie kategorisering is suiwer geografies van aard aangesien die Deense eilande, anders as hulle Duitse eweknieë, nooit deur Friese bewoon is nie.
Naas die groter eilande is daar ook klein eilandjies wat in Duits Halligen genoem word. Hulle word gewoonlik nie deur middel van dyke teen vloedwater beskerm nie sodat alle geboue op hoër geleë plekke, sogenaamde Warften, opgerig word.