Anke Rehlinger

D Anke Gabriele Rehlinger (* 6. April 1976 z Wadern as Anke Gabriele Moos^[1]) isch e dytschi Bolitikeri (SPD) un syt em 25. April 2022 Minischterbresidänti vum Saarland.

Vorhär isch si dert ab Jänner 2014 stellverdrättendi Minischterbresidänti un Landesminischteri fir Wirtschaft, Arbet, Energy un Verchehr in dr Kabinett Kramp-Karrenbauer II, III un Hans gsii. Vu 2012 bis 2014 isch si saarländischi Minischteri fir Juschtiz un au Minischteri fir Umwält un Verbruucherschutz im Kabinett Kramp-Karrenbauer II gsii.

Syt em 10. Merz 2018 isch d Rehlinger Vorsitzeri vu dr Saar SPD.^[2] Em Landdag vum Saarland ghert si syter 2004 aa. Si isch Spitzekandidati vu ire Bartei bi dr saarländische Landdagswahle 2017 un 2022 gsii un isch mit dr SPD Saar 2022 mit 43,5 Brozänt vu dr Stimme uf e absolut Mee vu dr Sitz im Landdag chuu. Druf het si im April 2022 e SPD-Ellairegierig bildet.

1. ↑ Saarland pur: Meine Lebensstationen. In: anke-rehlinger.de. Anke Rehlinger, abgruefen am 29. März 2022. 
2. ↑ Postenwechsel im Saar-Kabinett, Saarbrücker Zeitung, 16. Jänner 2014