Back آپنزل AZB Kanton Appenzell Breton Cantó d'Appenzell Catalan Kanton Appenzell German Appenzell English Appenzell Basque Appenzellin kantoni Finnish Canton d'Appenzell French Canton Appenzello Italian 아펜첼주 Korean
De Kanton Appezäll isch e Mitgliid vo de Alte Eidgnosseschaft gsi. Er isch ane 1597 bi de ”Appezäller Landdeilig“ i die beide Halbkantön Appezäll Innerrhode und Appezäll Usserrhode ufdeilt worde.
De Name Appezäll (vo latiinisch abbatis cella) bedütet «Zälle (d. h. Guetsbsitz) vom Abt». Das beziet sich uf d Fürstabtei Sanggalle, won e grosse Iifluss uf das Gebiet usgüebt het. 1411 isch Appezäll e Zuegwandte Ort vo de Eidgnosse worde und 1513 e Vollmitgliid vo de Eidgnosseschaft. Die konfessionelle Komflikt in der Zit vo der Gegereformation hai drzue gfüert, ass sich der Kanton 1597 in s katholische Innerrhode und s reformierte Usserrhode deilt het.
«Kanton Appezäll» isch as Sammelbegriff für beidi Deil zsäme in Gebruch bliibe, isch aber hüte veraltet. Meistens redet mä vo «de beiden Appezäll» (politisch) oder vom «Appezällerland» (geographisch), wenn mä Inner- und Usserrhode zsämme meint. Hüfig ghört mä «s Appezäll», was aber falsch isch.