Spermium

Ä Spermium oder Spermatozoon oder Spermatozoid (in dr Umgangssprooch au Soomefade oder Soomezälle) isch e Form vo Gamete (Käimzälle), nämlig die männligi Käimzälle, wo sich sälber cha beweege, und d Funkzioon het, die wiibligi Käimzälle, d Äizälle, z befruchde. Indiwidue broduziere Spermie mäistens in groosse Mängene. Si si wääsentlig chliiner as d Äizälle, wo si sölle befruchte, wil si im Geegesatz zur Äizälle käni gröössere Mängene an Zytoplasma und dotterhaltigi Näärstoff enthalte.

Männligi Käimzälle, wo sich sälber nid chönne beweege, wärde as Spermazie (Singular Spermazium) bezäichnet.

Mä muess en Underschiid mache zwüsche de Begriff Spermium und Sperma. Sperma bestoot us dr Soomeflüssigkäit (em Soomeplasma), de Spermie wo din si und doo und dört Epithelzälle vo de Hoodekanääli.