Cine espanyol

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Por cine espanyol cal interpretar as cintas de cine que s'han produciu por productoras cinematograficas espanyolas, que a sobén (encara que no siempre) s'han rodau en territorio espanyol, lo suyo director cinematografico y los suyos actors son de nacionalidat espanyola. Tamién se refiere a las personalidaz de nacionalidat espanyola que han treballau en os diversos campos s'o cine, dende actors dica directors, incluyendo-ie directors de fotografía, montadors, compositors, etcetra.

Dende los inicios d'a cinematografía dica hue han estau muitas las aportacions destacadas d'o cine espanyol en os diferents campos. Asinas, entre los directors en destaca l'aragonés Luis Buñuel, que tenió muita importancia en haber influyiu notablement en atras cinematografías, como lo cine francés u lo cine mexicano, pero tamién se puet mencionar a bellas figuras destacadas como Segundo de Chomón (un atro aragonés), Florián Rey (tamién aragonés), Juan Antonio Bardem, José Luis Sáenz de Heredia, Luis García Berlanga, Carlos Saura (qui tamién ye aragonés), Jesús Franco, Antonio Isasi-Isasmendi, Mario Camus, Víctor Erice, José Luis Garci, Mariano Ozores, José Luis Cuerda, Fernando Trueba, Isabel Coixet, Pedro Almodóvar, Álex de la Iglesia, Alejandro Amenábar u Juan Antonio Bayona.

En atros ambitos d'o mundo d'o cine no bi ha grans figuras destacadas a livel internacional, encara que pueden citar-se lo director artistico Gil Parrondo (qui ha recibiu dos Premios Oscar), lo director de foTografía Néstor Almendros (qui ha realizau toda la suya carrera en o cine estausunidense), los actors José Isbert, Paco Martínez Soria (un atro aragonés), Fernando Rey, Francisco Rabal, Fernando Fernán Gómez (encara que naixiu de Lima ye de nacionalidat espanyola), Antonio Banderas y Javier Bardem u las actrices Imperio Argentina (naixida d'Archentina con doble nacionalidat), Sara Montiel, Carmen Sevilla, Ángela Molina, Victoria Abril, Carmen Maura, Maribel Verdú y Penélope Cruz. Tamién cal destacar o compositor aragonés Javier Navarrete con cuantos premios y nominacions internacionals por as suyas composicions de bandas sonoras.