Back Erich von Manstein Afrikaans إريش فون مانشتاين Arabic اريش فون مانشتاين ARZ Erix fon Manşteyn Azerbaijani اریش فن مانشتاین AZB Эрых фон Манштэйн Byelorussian Ерих фон Манщайн Bulgarian Erich von Manstein Catalan Erich von Manstein Czech Эрих фон Манштайн CV
| Erich von Manstein | |
|---|---|
| 24 de noviembre de 1887 - 10 de chunio de 1973 | |
 Erich von Manstein en 1938. | |
| Información personal | |
| Embotada | |
| Puesto de naixencia | .svg){kind=small} Berlín (Imperio Alemán)
|
| Puesto de muerte |  Irschenhausen (Bavera, Alemanya)
|
| Información militar | |
| Leyaltat | Imperio Alemán Republica de Weimar.svg){kind=small} Tercer Reich Alemanya Occidental
|
| Anyos de servicio | 1906-1944 |
| Rango | Generalfeldmarschall |
| Mandos | 18ª División d'Infantería Grupo d'Exercitos Sud Grupo d'Exercitos d'o Don XXXVIII Cuerpo d'Exercito 11º Exercito LVI Cuerpo Panzer |
| Unidat | |
| Batallas/guerras | Primera Guerra Mundial, Segunda Guerra Mundial Campanya de Polonia Batalla de Francia Operación Barbarroya Batalla de Sebastopol Setio de Leningrado Batalla de Stalingrado Tercera Batalla de Khárkiv Batalla de Kursk Batalla d'o Dniepr |
| Premios | Cruz de Caballer d'a Cruz de Fierro con Fuellas de Caixico y Espadas |
| Atras funcions | Consellero en temas militars de Konrad Adenauer en a RFA. |
Erich von Manstein, naixito de Berlín (Imperio Alemán) o 24 de noviembre de 1887[1] y muerto en Irschenhausen (Bavera, Alemanya) o 10 de chunio de 1973,[1] estió un militar alemán, activo en l'Exercito alemán mientres l'Imperio Alemán, a Republica de Weimar y o Tercer Reich, que plegó dica o ran de Generalfeldmarschall y que luitó en a Primera Guerra Mundial y en a Segunda Guerra Mundial, incluyindo-ie a campanya de Polonia en 1939, a batalla de Francia en 1940, a Operación Barbarroya en 1941, a batalla de Sebastopol en 1941, o setio de Leningrado en 1941-1942, a batalla de Stalingrado en 1942-1943, a Tercera Batalla de Khárkiv en 1943, a batalla de Kursk en 1943 y a Batalla d'o Dniepr en 1943.
Estió uno d'os pocos militars d'a Wehrmacht en descutir con Hitler, encara que iste li teneba confianza. Sindembargo, dende 1944 fue relegato d'o mando activo d'as tropas en o frent. Erich von Manstein ye considerato como uno d'os prencipals teoricos alemans en o emplego d'o carro de combate en a guerra, y yera considerato por os suyos companyers como uno d'os millors estrategas militars d'a Wehrmacht.
En 1940, Erich von Manstein estió uno d'os prencipals planificadors d'a invasión de Francia a traviés d'as Ardenas, en o clamato golpe de falz que prenió a las tropas d'o Aliau por o suyo flanco mas débil. Recibió os parabiens de l'Oberkommando der Heeres por a suya planificación en as victorias alemanas en forzar o paso en o istmo de Perekop, en a batalla d'a peninsula de Kerch, en o setio de Sebastopol y en a Tercera Batalla de Khárkiv. Tamién mandó as tropas alemanas en a fracasata tentativa de salvar a las tropas alemanas setiadas en a batalla de Stalingrado, redota que compensó en salvar a las tropas d'a Wehrmacht en a bolsa de Cherkassy.
Seguntes o historiador militar britanico Basil Liddell Hart, en o suyo libro The Other Side of the Hill, citato por Álvaro Lozano:[2]
Ye considerato uno d'o millors chenerals d'a Wehrmacht mientres a Segunda Guerra Mundial y ye fácil que o millor d'os suyos estrategas.[1]
En a posguerra, fue condenato en 1949 en Hamburgo por crimens de guerra, y en marchar de prisión estió asesor d'o nuevo Exercito alemán ta Konrad Adenauer, o canceller d'Alemanya Occidental.
- ↑ 1,0 1,1 1,2 (en)/(fr) de Lannoy, François y Charita, Josef: Panzertruppen. Les troupes blindées allemandes. German armored troops. 1939-1945. Éditions Heimdal. Bayeux, 2001, ISBN 2-84048-151-0, pachina 70.
- ↑ (Lozano, 2008:84)