Protestantismo

O termin protestant u protestantismo ye utilizau en o cristianismo en dos sentius diferents, ta referir-se tanto a los grupos que se deseparoron d'a Ilesia Catolica Romana con a Reforma Protestant d'o sieglo XVI como a los desenvoliques teolochicos particulars d'os reformadors y as ilesias resultants d'ixa deseparación.

O nombre "protestants" prencipia a utilizar-se ta clamar a los partidarios d'as ideyas luteranas d'a Reforma en Alemanya a resultas d'a suya protesta y resistencia al os edictos imperials que miraban de buscar a uniformidat relichiosa d'Alemanya.

A doctrina protestant chira arredol d'a ideya de que solament a Biblia ye la sola autoridat en materia de fe y en a necesidat absoluta d'a gracia de Dios ta que l'hombre, por meyo d'a sola fe en Cristo y l'Evanchelio, pueda estar salvau por Dios en un acto de conversión interior. Tamién esfiende as doctrinas de l'absoluta depravación de l'hombre y a suya necesidat total de Dios, a sola mediación de Cristo, a sacramentalidat sola d'o baptismo y cena d'o Sinyor (cuan no son vistos como simbolos), u la concepción d'as obras buenas como fruto d'a fe.

D'atra man, refusan amás l'autoridat d'o papau, as indulchencias, o purgatorio, lo sacrificio incruento d'a misa, a devoción a los santos, a intercesión d'os santos muertos, etc...