Nomenclatura estelar

La nomenclatura estelar ye competencia de la Unión Astronómica Internacional (IAU), l'autoridá internacional reconocida p'asignar nomes a les estrelles y otros oxetos astronómicos. Sicasí, munchos de los nomes d'estrelles güei n'usu fueron heredaos de tiempos anteriores a la esistencia de la IAU. Otros nomes, principalmente los d'estrelles variables, incluyendo noves y supernoves, vienen siendo añadíos de cutio. Sicasí, la mayor parte d'estrelles nun tienen nengún nome y son conocíes namái pol so númberu de catálogu. Esti artículu contempla de volao dalgunos de los métodos usaos pa denominar a les estrelles.