Peloponeso

Peloponeso
Alministración
País	Grecia
Tipu d'entidá	península
Nome llocal	Πελοπόννησος (el)
Xeografía
Coordenaes	37°20′59″N 22°21′08″E / 37.349722222222°N 22.352222222222°E / 37.349722222222; 22.352222222222
Superficie	22200 km²
Altitú media	2407 m
Demografía

Peloponeso^[1] (griegu: Πελοπόννησος, pronunciación clásica Pelopónnēsos; pronunciación moderna Pelopónisos) ye una península de Grecia, xunida al continente pol ismu de Corinto qu'anguaño ta cortáu pela canal de Corinto.

El so nome provién d'un héroe mitolóxicu griegu Pélope, quien supuestamente conquistó tola rexón. Etimológicamente, Peloponeso significa 'islla de Pélope', a pesar de que namái foi una verdadera islla tres l'apertura de la canal de Corinto en 1893. Na Edá Media, llamábase-y 'Morea', debíu a la paecencia de la so forma con una fueya de moral.

Patrás (nel norte) y Kalamata son les úniques ciudaes importantes, onde se topen los principales puertos.

En 2004, el Peloponeso ganó una segunda conexón col continente tres la construcción de la Ponte de Ríu-Antirio.

Na rexón topa la ciudá d'Olimpia, centru relixosu de l'Antigüedá, onde se celebraron los primeros Xuegos Olímpicos, y la ciudá d'Esparta, una de les dos ciudaes-estáu hexemóniques nel periodu clásicu.

1. ↑ Esti términu apaez nel Diccionariu de l'Academia de la Llingua Asturiana. Ver: peloponesiu