Pilotu de carreres

Un pilotu de carreres ye una persona que conduz un vehículu nuna carrera de deporte motor. Na mayoría de les disciplines de motor, la función d'un pilotu ye percorrer una distancia marcada a la mayor velocidá posible ensin salise de la pista. Sicasí, un bon pilotu tien de tener otros procuros, como evitar sobreexigir el vehículu pa prevenir abandonos, y menguar la degradación de los neumáticos y el consumu de combustible.

Como n'otros deportes, hai dende pilotos profesionales que ganen decenes de millones de dólares o euros al añu, hasta amateurs que gasten los sos pocos ingresos en competir. Delles competiciones esixen cambéu de pilotos, sía pa dexar la participación de más pilotos o pa dexa-yos folgar en casu de carreres de resistencia.