Nusa Ceningan

Koordinat: 8°42′S 115°27′E / 8.7°S 115.45°E / -8.7; 115.45

Nusa Ceningan silih tunggil nusa sané magenah ring Kecamatan Nusa Penida, Kabupatén Klungkung, Bali. Nusa puniki kaapit olih kalih nusa, punika Nusa Penida sareng Nusa Lémbongan. Jimbarnyané kirang langkung 300,6 Ha, sané kakepah antuk kalih Dusun Ceningan Kawan miwah Kangin.^[1]

Sajeroning geografis, Ceningan punika pahan saking wawidangan désa Lembongan, Kecamatan Nusa Penida, Kabupatén Klungkung. Kawéntenan genah-genah suci (Pura) ring Nusa Ceningan madasar tata letak miwah fungsinyané prasida katincapang sakadi puniki: ring sisi kangin wénten Pura Batu Banglas/Goa Raja, ring sisi kalér Pura Bakung, Sisi kelod Pura Tirta Dalem Buhu, ring sisi kauh Pura Batumelawang miwah ring tengah wénten Pura Tri Adi Sakti, taler wénten Pura Ceng Mundi Raja Peni, Pura Dalem Wayah Majapahit, Pura Pesamuan Lawang Sari miwah Pura Payogan Manik Gumulung samian pura puniki madué sejarah miwah carita sané matiosan yéning mapaiketan sareng kawéntenan miwah sejarah nusa Ceningan miwah Nusa Penida. Siosan ring genah spiritual santukan Nusa Ceningan kadadosang tanah suci, wénten objek-objek wisata sané kasebar ring penjuru ceningan sakadi sarang paksi walet miwah ombak sané becik anggén selancar sané magenah ring sisi kelod kangin Pulo Bali. Nusa sané pinih dawa 3,7 km miwah jimbar 1,5 km puniki magenah kirang langkung 15 km ring sisi kelod kangin Bali antuk pamargin antuk jukung gelis nganggén Pantai Sanur utawi nganggén jembatan saking Nusa Lembongan miwah 1 km ring sisi kalér kauh Nusa Penida. Sacara administratip, nusa puniki rumasuk wewidangan Kabupatén Klungkung, Propinsi Bali, Indonésia. Kirang langkung 95% kramanyané wantah bendega bulung.

1. ↑ Atmaja, Ida Bagus Kade Yoga (2002), Ekowisata rakyat : lika-liku ekowisata di Tenganan, Pelaga, Sibetan, dan Nusa Ceningan, Bali (édisi ka-Cetakan 1), Wisnu Press, ISBN 978-979-97156-0-9