Mga tataramon na Haponiko

Haponiko
Hapon–Ryukyuano
Heograpikong Distribusyon	Hapon, posibleng dating nasa Rawis nin Koreano
Pag-uuring panlinguwistiko	Saro sa mga panginot na pamilya nin tataramon sa kinaban
Protong Tataramon	Proto-Haponiko
Mga subdibisyon	Hapon Ryukyuano Hachijō (?) Peninsular? †
ISO 639-5	jpx
Glottolog	japo1237[1]
Mga tataramon asin mga diyalekto kan Haponiko

An Haponiko o Hapon–Ryukyuano sarong pamilya nin tataramon na binibilog nin Hapon, pigtataram sa mga panginot na isla kan nasyon na Hapon, asin an mga tataramon na Ryukyuano, ipigtataram sa mga isla nin Ryukyu. Pangkagabsan na inaako an pamilya kan mga linguwista, asin makabuluhang pag-uswag an nahimo sa pagtugdas giraray kan proto-tataramon.^[2] Ipinahihimati kan pagtugdas giraray an pagsuway sa tanga kan gabos na diyalekto kan Hapon asin gabos na klase kan Ryukyuano, siguro bago an ika-7 siglo. Kaiba man an Tataramon na Hachijō, na ipigtataram sa mga Isla nin Izu, alagad an posisyon kaini sa laog kan pamilya, bakong malinaw.

Nagtutubod an kadaklan sa mga iskolar na pigdara an Hapon sa Kaiislahan na Hapon gikan sa Rawis nin Korea kaiba an kulturang Yayoi kadtong 1st millennium BC. Igwang pirang pira-pirasong ebidensya na nagsusuhestyon na pigtataram pa nanggad an mga tataramon na Hapones sa tahaw asin habagatan na parte kan Rawis nin Korea (hilingon an Peninsular na Haponiko) sa mga inot na siglo AD.

Ipigsuhestyon an mga posibleng henetikong relasyon sa kadakol na iba pang mga pamilya nin tataramon, kadaklan sa sistematikong igwa nin Koryaniko, alagad mayo pa man nanggad na siguradong maipahiling.

1. ↑ Hammarström, Harald; Forkel, Robert; Haspelmath, Martin, eds. (2017). "Japonic". Glottolog 3.0. Jena, Germany: Max Planck Institute for the Science of Human History. 
2. ↑ Shimabukuro (2007), p. 1.