Back Historiese Bretagne Afrikaans Bretagne ALS ብረታኝ Amharic Bretanya (rechión historica) AN Lydwic ANG برطانية (فرنسا) Arabic Bretaña (rexón histórica) AST Bretan bölgəsi Azerbaijani برتانی اوستانی AZB Bretagne BAR
Ar pennad-se zo diwar-benn ar vro istorel e gwalarn Europa. Evit ar rannvro melestradurel gall, sellet Rannvro Breizh.
  | |
|---|---|
| |
| Ger-stur (la) Potius mori quam fœdari (br) Kentoc’h mervel eget bezañ saotret | |
| Kan broadel Bro gozh ma zadoù | |
| Kêr-benn | Naoned (istorel) Roazhon (melestradurel) |
| Yezhoù | Brezhoneg Gallaoueg Galleg (ofisiel) |
| Domani kenrouedad | .bzh |
| Melestradur | |
| Prezidant | Loïg Chesnais-Girard[1] |
| Departamantoù | Aodoù-an-Arvor (22) Il-ha-Gwilen (35) Liger-Atlantel (44, istorel) Mor-Bihan (56) Penn-ar-Bed (29) |
| Arondisamantoù | 15 |
| Kantonioù | 201 |
| Kumunioù | 1 268 |
| Douaroniezh | |
| Gorread | 34 023 km² (istorel) 27 208 km² (melestradurel) |
| Poblañs (2016) | 4 829 968 (istorel) 3 394 567 (melestradurel) |
| Stankted | 142 ann./km² (istorel) 125 ann./km² (melestradurel) |
« Breizh, proviñs brudet da vout estren »
Breizh (/bʁɛjs/ (selaou ) pe /bʁɛx/ pe c'hoazh Bretagn[2], e gallaoueg: Bertaèyn /bəʁtaɛɲ/, galleg: Bretagne /bʁəˈtaɲ/) zo ur vro geltiek, ul ledenez hag un takad sevenadurel e kornôg Europa, savet war lodenn gornôg ar pezh a oa Arvorig gwezhall. Ur vroad eo ivez abaoe an IXvet kantved, pa oa unanet gant Nevenoe, he roue kentañ. Bretoned a vez graet eus he fobl.
Dizalc'h eo bet Stad Breizh betek ar XVIvet kantved a-raok bezañ enframmet e rouantelezh Bro-C'hall da-heul koll arme Breizh a-enep an arme c'hall en emgann Sant-Albin-an-Hiliber e 1488. Emren eo chomet Breizh betek dibenn an XVIIIvet kantved a-raok bezañ dispennet ha divodet gant an Dispac'h gall a grouas an departamantoù.
Abaoe krouidigezh ar rannvroioù e Frañs en eil hanterenn an XXvet kantved ez eus bet savet en-dro ur gwirvoud melestradurel da Vreizh, evit an daou drederenn eus he foblañs.
Ul ledenez vras eo Breizh, lec'hiet e kornôg Europa, etre Bro-C'hall hag an inizi breizhveuriat. War un tiriad strategel emañ, etre Mor Breizh hag ar Meurvor Atlantel, adal da gevandir Amerika. Un hin veurvorel he deus, neuze e vez dous ha gleb he goañvioù ha fresk he hañvioù daoust da vezañ tommoc'h gant tommadur an hin en XXIvet kantved.
- ↑ Prezidant Rannvro Breizh eo Loïg Chesnais-Girard, prezidantez Broioù-al-Liger, rannvro velestradurel al Liger-Atlantel, zo Christelle Morançais.
- ↑ Banque Sonore des Dialectes Bretons, enklaskoù eus 2014 e Tregon ha 2015 en Ignel gant Adrien Desseigne hag eus 2017 e Kerien gant Loïc Cheveau.