Back Biblioteek van Alexandrië Afrikaans مكتبة الإسكندرية Arabic مكتبة اسكندريه ARZ Biblioteca d'Alexandría AST İsgəndəriyyə kitabxanası Azerbaijani Александрыйская бібліятэка Byelorussian Александрийска библиотека Bulgarian আলেকজান্দ্রিয়ার প্রাচীন গ্রন্থাগার Bengali/Bangla Levraoueg Aleksandria Breton Biblioteca d'Alexandria Catalan
| Biblioteko de Aleksandrio | ||
|---|---|---|
| ||
esplora biblioteko 
| ||
| Komenco | 3-a jarcento a.K.E. vd | |
| Fino | 4-a jarcento vd | |
| Geografia situo | 31° 12′ 32″ N, 29° 54′ 33″ O (mapo)31.20888929.909167Koordinatoj: 31° 12′ 32″ N, 29° 54′ 33″ O (mapo) | |
| Lando(j) | Aegyptus vd | |
| Situo | Aleksandrio | |
| ||
 Biblioteko de Aleksandrio | ||
La Reĝa Biblioteko de Aleksandrio en Aleksandrio (greke: Βιβλιοθήκη τῆς Ἀλεξανδρείας) (31° 12′ N 29° 54′ O / 31.200 °N, 29.900 °O (mapo) ) en Egiptio estis iam la plej granda biblioteko en la mondo. Oni ĝenerale konjektas, ke ĝi estis fondita en la frua 3-a jarcento a.K., dum la rego de Ptolemeo la 1-a. Iuj supozas, ke nur lia filo Ptolemeo la 2-a fondis ĝin, sed ties patro konstruigis la templon de la Muzoj (greke: Μουσείον, Museio), kaj estas tute malprobable, ke la biblioteko ne jam ekzistis tiukadre. La templo de la muzoj fariĝis la unua parto de la biblioteka konstruaĵaro kaj donis la originon de la Esperanta vorto muzeo.
La plenuma establado de la biblioteko estas de Demetrio el Falero, kiu ankaŭ estis la estro de la biblioteko aŭ ĝia unua ĉefa bibliotekisto, inter 295 kaj 283 a.K. Oni asertis ke la biblioteko stokis ĉe sia pinto inter 400 000 - 700 000 (laŭ kelkaj opinioj eĉ miliono) papirusaj volvlibroj, enhavantaj kopiojn de granda parto de malnovgreka kulturo.
La vizio de la biblioteko estis akiri ĉiujn skribaĵojn de la helenisma mondo kaj pretere. Tiu deziro formis, interalie, la fonon por la kreado de la Septuaginto, kolektiva tradukprojekto de la hebrelingva Torao al la komuna greka, kiu estas priskribita detale en la letero de Aristea. La biblioteko estis administrita dum tiu periodo fare de Apolono de Rodoso, laŭ pluraj fontoj, ĝis la laŭtaksa tempo de 246/247 a.K., kiam Ptolemeo la 3-a nomumis Eratosteno de Kireno.
Estas verŝajne ke la Biblioteko, aŭ parto da la kolekto, plurfoje detruiĝis per fajro. Fajroj en bibliotekoj tiam okazadis ofte, kaj refari la dokumentojn estis malfacile kaj multekoste. Hodiaŭ la detaloj pri ĝia detruo (aŭ detruoj) restas disputita mistero. La moderna Bibliotheca Alexandrina estis konstruita en 2003 apud la loko de la iama antikva biblioteko.[1]
- ↑ Retejo de Bibliotheca Alexandrina. Arkivita el la originalo je 2008-03-11. Alirita 2007-03-14.