Back Fabel Afrikaans حكاية رمزية Arabic উপকথা Assamese Fábula AST Yatichawini jawari Aymara Təmsil Azerbaijani Мәҫәл Bashkir Байка Byelorussian Байка BE-X-OLD Басня Bulgarian
Fablo estas rakonto, plejofte versa, en kiu agas kaj parolas bestoj aŭ objektoj, kaj per kiu oni prezentas moralinstruon, ordinare formulitan komence aŭ fine. La fabloj estas unu el la plej malnovaj literaturaj ĝenroj. Iliajn ŝpurojn ni trovas jam en la Gilgameŝa epopeo aŭ ekzemple en la Biblio (Juĝistoj 9,7 - 16).
Konataj fablistoj estas: Ezopo, Fedro (fablisto), Johano de La Fonteno kaj Ivan Krilov
En Esperanto aperis interalie jenaj kolektoj de fabloj:
- 111 fabloj/ 1979. I.A. Krilov. Trad.: S. Rublov.
- Fabloj/ 1985. Gotthold Ephraim Lessing. Trad. Reinhard Haupenthal.
- Cent ĉinaj fabloj / 1999. Komp. GAO Jingmin. Trad. YU Tao ; WANG Lihua
Jen ekzemplo de Kálmán Kalocsay el Ezopa saĝo :
La vulpo kaj la vinbero
Allogis la vinbero, sed estis iom alte.
La vulp' klopodis longe, por ĝin atingi salte,
sed ne sukcesis, lacis, rigardis ĝin, avida
finfine ŝultrotiris, dirante: "Eh, acida!"