Periodoj de literaturo, literaturaj periodoj aŭ literaturaj epokoj (ankaŭ nomitaj movadoj) estas mensaj dividoj per kiuj la pristudanto aŭ simpla ŝatanto de literaturo povas ordigi, klasifiki kaj lokigi la diversajn literaturajn produktajoxjn laŭlonge de la historio. La bazo de tiu sistemo kuŝas sur la supozo, ke de tempo al tempo la komuna modo aŭ mondokoncepto varias en difinita mondoregiono kaj tiamaniere ŝanĝas ankaŭ la literaturan produkton. Tio taŭgas ne nur por literaturo, sed ankaŭ por aliaj artaj produktaĵoj (muziko, arkitekturo, ktp) kaj eĉ aliaj kulturaj kamparoj (religio, filozofio, moroj, ktp.).