Alfontso VI.a Gaztelakoa Ausarta[1] (1040ko ekaina baino lehen-Toledo, 1109ko uztailaren 1a), Gaztela (1072 – 1109), Galizia (de facto[2], 1072 – 1109) eta Leongo erregea (1065 – 1109) eta Imperator totius Hispaniae izan zen[3].
Fernando I.a Leon eta Gaztelakoa eta Antsa Leongoa zituzten gurasoak. Bost aldiz ezkontzeaz gain, maitale bi eta emaztegi bat izan zituen. Aitaren partetik Leongo Erresuma jarauntsi zuen.
1072an Antso anaiak bere lurrak konkistatu eta ihes egin behar zuen. Hau eraila izan zenez, Alfontso itzuli eta bere lurrak berreskuratu ez ezik anaiarenak ere lortu zituen. Hori zela eta, Imperator totius Hispaniae titulua aldarrikatu zuen. Bere bizitzaren pasadizoak Cantar del Mio Cid liburuan agertzen dira.
Errekonkistari lotu bazion ere, almorabideen erasoaldiak aurre eginez, musulmanak babestu zituen bere erreginaldian[4].