Guillermina Motta | |
---|---|
Bizitza | |
Jaiotza | Bartzelona, 1942ko otsailaren 26a (82 urte) |
Herrialdea | ![]() |
Hezkuntza | |
Hizkuntzak | gaztelania katalana |
Jarduerak | |
Jarduerak | abeslaria, musikagilea eta aktorea |
Jasotako sariak | ikusi
|
Kidetza | Els Setze Jutges |
Musika instrumentua | ahotsa |
![]() ![]() ![]() ![]() |
Guillermina Motta i Cardona (Bartzelona, 1942ko otsailaren 26a) egile-abeslaria eta interpretea da, irratiko esataria eta zinemako aktore ere izan da.
Nova Cançó – Abesti Berriaren mugimenduan bete-betean parte hartu zuen. 1964an Els Setze Jutges[1] taldean sartu eta lehen singlea argitaratu zuen. Hurrengo urtean Recital Guillermina Mottak Kataluniako Diskoaren Sari Nagusia irabazi zuen. Kantagintza frantsesa oso ondo ezagutu eta maite du: Jacques Brel, Barbara, Georges Brassens, Anne Sylvestre, Serge Reggiani, eremu intimista landu du, Visca l'amor! diskoan bezala (1968), garai guztietako poeta katalanen testuekin, edo estilorik hotzenarekin, kabaretera hurbilduz, hala nola Remena, nena (1970) edo Tango (1972), Enric Barbatekin batera egindako lana. Oriol Bohigasen bitartez, Gauche Divine-rekin harremanetan jarri zen, eta talde horetako musetako bat izango zen geroago.[2][1] Antzerki-aktorea izan da, eta L'auca del senyor Esteve obraren bertsio bat egin zuen Madrilen, zineman Topical Spanish eta Los viajes escolares filmetan parte hartu zuen, eta telebistan Les Guillermines del rei Salomótelesaila egin zuen.[2][3]
A Vota Motta (1977) edo Les Guillermines del rei Salomó (1981) diskoetan Joan Manuel Serratek parte hartzen du zenbait gaitan eta diskoen produkzioan.
2002an utzi zituen zen agertokiak, eta ez du onartzen kultura-erakundeen edo erakunde politikoen saririk edo aintzatespenik.[2] 2007an Kataluniako Parlamentuko Ohorezko Domina jaso zuen, Els Setze Jutges taldearekin egindako lanagatik. Hala ere, ez zuen saria pertsonalki jaso, saria beranduegi iristen zela uste zuen eta.
Azken urteotan, aurkezle gisa lan egin du Kataluniako irratiko hainbat musika-programatan, hala nola Al cap dels anys, Afectes molt especials, o Segons la lluna a Catalunya Ràdio.