Milan-San Remo

Milan-San Remo

Alessandro Petacchiren garaipena 2005ko ekitaldiaren amaieran.
Ezaugarriak
Data	Martxoaren erdialdera
Eskualdea	Milan eta San Remo, Italia
Bertoko izena(k)	Milano-Sanremo
Modalitatea	Errepidea
Txapelketa	UCI World Tour
Mota	Egun bateko lasterketa klasikoa
Antolatzailea	RCS Sport
Historia
Lehenengo edizioa	1907
Lehenengo irabazlea	Lucien Petit-Breton
Garaipen gehien	Eddy Merckx (7 aldiz)
Webgunea	http://www.milanosanremo.it

Milan-San Remo Italiako txirrindulari lasterketa klasiko bat da. Egun bakarreko lasterketen artean luzeenetako bat da, 290 kilometro inguruko ibilbidearekin. Lehen edizioa 1907an egin zen. Italian antolatzen diren egun bakarreko lasterketetan, ospetsuena eta garrantzitsuena da.

Txirrindularitzako monumentuak izenaz ezagutzen diren bost proba klasikoetako bat da, Flandriako Tourra, Paris-Roubaix, Lieja-Bastogne-Lieja eta Lonbardiako Giroarekin batera. Munduko Txirrindularitza Koparen zati izan zen hura ospatu zen denbora guztian zehar (1989-2004), baita UCI Pro-Tourrekoa (2005-2007) eta UCI World Ranking/UCI World Tourrekoa ere (2009tik aurrera).

Haren garrantziagatik, Clasicissima izenaz ezagutzen da, baita Udaberriko lasterketa izenaz ere, urtero martxoaren azkenaurreko larunbatean egiten baita, eta Milango hotzetik liguriar Rivierako eguzkitara pasatzen da.

Eddy Merckxek hamaika aldiz parte hartu zuen proba horretan, 1966 eta 1976 bitartean, eta zazpitan irabazi.