Te Deum

Te Deum
Jatorria
Egilea(k)	Anbrosio Milangoa eta Agustin Hiponakoa
Argitaratze-data	414
Izenburua	Te Deum laudamus
Ezaugarriak
Genero artistikoa	hymn text (en)
Hizkuntza	latina
Egile-eskubideak	jabetza publiko

Te Deum-a antzinako ereserki kristaua da, Jainkoari eskerrak emateko eta hura goresteko abesten dena. Izenburua hasierako latinezko esalditik hartua da, Te Deum laudamus (euskaraz: “Jaungoikoa, zu zaitugu laudatzen”). Izen bera ematen zaio ereserki hori abesten den elizkizunari, eta baita ereserki hori abesteko idatzitako musika piezari ere.^[1] Erromatar Eliza Katolikoak orduen liturgiako matutietan erabiltzen du, eta baita zenbait ospakizun berezitan ere, hala nola kanonizazio zeremonietan eta apaizte-elizkizunetan; aita santu berri bat izendatu orduko, kardinalek goraki abesten dute.^[2] Luteranoen eta anglikanoen matutietan ere abesten da.

1. ↑ Lur entziklopedietatik hartua.
2. ↑ Henry, Hugh. The Te Deum. The Catholic Encyclopedia. Vol. 14. New York: Robert Appleton Company, 1912, newadvent.org (Noiz kontsultatua: 2018-12-30).