Danmark

Kongeriget Danmark
Kongsríki Danmarkar

(Flagg Danmark) (Skjaldarmerki Danmark)
Tjóðarslagorð: Forbundne, forpligtet, for Kongeriget Danmark
Tjóðsangur: Der er et yndigt land
Alment mál	Danskt
Høvuðsstaður	Keypmannahavn
Kongur	Frederik X
Forsætisráðharri	Mette Frederiksen
Fullveldi	í forsøguligari tíð
Vídd  - tilsamans  - vøtn (%)	43 094 km² 1,6
Íbúgvar  - tilsamans 2017  - tættleiki	5,75 milliónir 130/km²
Gjaldoyra	Donsk króna (DKK)
Tíðarøki	UTC +1
Økisnavn á alnetinum	.dk
Telefonkota	+45

Danmark er eitt land í Skandinavia í Norðurevropa við 5,75 mió. íbúgvum. Danmark verður saman við Grønlandi og Føroyum nevnt Kongsríki Danmarkar. Danmark hevur mark til Týskland í suðri og er umgirt av fleiri høvum: Norðsjógvurin (Vesterhavet), Skagerrak og Kattegat móti vestri, norði og eysti frá Jútlandi, Kattegat og Eystrasalt norðan og sunnanfyri tær donsku oyggjarnar. Danmark er hálvoyggin Jútland og 443 navngivnar oyggjar og hólmar.

Størsti býurin og høvuðsstaðurin er Keypmannahavn. Miðallívsævin í landinum er 78,13 ár. Høvuðsmálið er danskt. Størsti landspartur i Danmørk er langa, smala nesið, Jútland, sum hevur mark ímóti Norðurtýsklandi. Eystan fyri Jútland er tað, sum eftir er av landinum; næstan fimm hundrað oyggjar, einar hundrað teirra eru bygdar. Danmørk er tað syðsta av Norðurlondum og eitt av slættastu londum í heiminum.