Bram Stoker

Bram Stoker
skriuwer
Bram Stoker yn 1906
persoanlike bysûnderheden
echte namme	Abraham Stoker
nasjonaliteit	Iersk
berne	8 novimber 1847
berteplak	Dublin
stoarn	20 april 1912
stjerplak	Londen
etnisiteit	Iersk
wurk
taal	Ingelsk
sjenre	horror, goatyske roman, fantasy
perioade	Fiktoriaanske Tiid
bekendste   wurk(en)	Dracula The Lair of the White Worm

Abraham (Bram) Stoker (Dublin, 8 novimber 1847 – Londen, 20 april 1912) wie in Iersk skriuwer bekend om syn sensasjonele ferhalen yn it horrorsjenre. Syn namme is foaral ferbûn mei it boek Dracula út 1897. Dêrneist skreaun er ek noch mysterieuze romantyske ferhalen.

Stoker hat in protte siik west in syn jonge jierren. Hy studearre oan de Universiteit fan Dublin skiednis, letterkunde en wis- en natuerkunde. Syn neifolgjende baan as amtner befoel him min, dat hy de sjoernalistyk yn gie. As teaterkritikus kaam er yn 'e kunde mei de ferneamde akteur Henry Irving, mei wa't er befreone rekke en dy't er begeliede op yn- en útlânske toernees. Ek wie Stoker lang manager fan Irvings Lyceum-theater yn Londen. Troch syn wurk en reizgjen hie er kontakt mei tal fan bekende artysten en lju út hegere maatskiplike fermiddens.

Stoker syn fampiereferhaal Dracula is faak ferfilme. De ynspiraasje dêrfoar fûn er yn in al besteand fampiereferhaal fan John Polidori. De legindes oer de wrede midsiuwske Walachyske hearsker Vlad Țepeș, dy't as Dracula bekend wurden is, hawwe dêr lykwols net folle mei te krijen.