Back إنجيل الناصريين Arabic انجيل الناصريين ARZ Evangeli dels Natzarens Catalan Nazaräerevangelium German Gospel of the Nazarenes English Evangelio laŭ Nazareoj Esperanto Evangelio de los nazarenos Spanish Nasarealaisten evankeliumi Finnish Évangile des Nazaréens French Injil orang Nasrani ID
| Evangeelje fan de Nazareners | ||
| algemiene gegevens | ||
| auteur | anonimus | |
| taal | Hebriuwsk | |
| foarm | non-fiksje | |
| sjenre | religiosa | |
| skreaun | <175 n.Kr. | |
It Evangeelje fan de Nazareners of it Evangeelje fan de Nazoreeërs wie in algemien as apokryf beskôge kristlike religieuze tekst, besibbe oan it Nije Testamint fan 'e Bibel. It is ien fan 'e joadsk-kristlike evangeeljes, wêrfan't de oarspronklike namme ûnbekend is, mar dat nei gedachten yn gebrûk wie by de sekte fan 'e Nazareners of Nazoreeërs.
De datearring fan dit geskrift is ûnwis, mar om't Klemins fan Aleksandrië der yn it lêste fearn fan 'e twadde iuw nei ferwiist, moat it yn alle gefallen fan foàr dy tiid wêze. De oarspronklike taal fan it Evangeelje fan de Nazareners wie it Hebriuwsk. It is inkeld oerlevere yn 'e foarm fan 36 sitaten yn oare wurken; dêrfan binne der 23 ôfkomstich út 'e geskriften fan 'e tsjerkfaar Hieronymus fan Stridon, wylst de oare 13 út Midsiuwske boarnen komme.
Ut dy sitaten komt û.o. de grutte gelikenis fan it Evangeelje fan de Nazareners en it kanonike Evangeelje fan Mattéus nei foarren. Guon saakkundigen wolle datoangeande hawwe dat Mattéus foar in part op it Evangeelje fan de Nazareners basearre wie, al is de mearderheid fan tinken dat it krekt oarsom west hawwe moat.